Um Univice



Univice bleiv stovnað í 2010 av Jóhan Henrik Olsen, Petur Jákup Petersen og Jógvan Andrias Debes. Virksemið bleiv riggað til í leigaðum hølum fyrstu árini, har høvðusdentur bleiv lagdur á arbeiði við rustfríðum til virkir og skip.


Virksemið vaks skjótt og longu eftir einum ári, var verkstaður og goymsla fult etablerað innan økið.


Í 2013 keypti Jóan Petur Frederiksberg seg inn í fyritøkuna, og eigaraviðurskiftini eru nú, at Jóhan Henrik Olsen, Jógvan Andrias Debes og Jóan Petur Frederiksberg eiga Univice.


Um ársskiftið 2012-13 keypti Univice kendu glasfiburbáta fyritøkuna AWI Boats í Runavík. Univice og AWI Boats húsast í dag í 1200 fermetra stóra bygninginum á Rókahavnini í Runavík, sum Univice keypti í samband við yvirtøkuna av AWI.


AWI Boats er elsta og best kenda navnið innan glasfiburbátaframleiðslu í Føroyum, og hevur AWI framleitt uml. 300 bátar, sum eru spjaddir um øll norðanlond. Síðan Univice keypti AWI, eru ikki minni enn 7 bátar framleiddir og seldir til Grønlands. 


Í dag starvast 20-30 fólk í fyritøkuni. Høvðusvirksemið hjá Univice er enn innan framleiðsluútbúnað úr rustfríðum stáli til skip og virkir. Univice veitir eisini ráðgeving, tekning og projektering saman við eigarum og leiðarum hjá kundunum, í samband við framleiðslulinjur og arbeiðsgongdir á virkjum og skipsdekkum.